“University Medical Center” корпоративтік қоры (бұдан әрі – UMC) “Назарбаев Университеті” дербес білім беру ұйымының Қамқоршылық кеңесінің 2015 жылғы 20 қыркүйектегі шешіміне сәйкес құрылды.

UMC жалпы қуаттылығы 786 төсек-орын және бір ауысымда 500 амбулаториялық-емханалық қабылдауларды қамтамасыз ететін, 4 инновациялық медициналық орталықты, Астана қаласында 3 инновациялық медициналық орталықты: Республикалық диагностикалық орталық, Ана мен бала орталығы және Жүрек орталығы, сондай-ақ 2024 жылдан бастап – Шымкент қаласының «Жүрек орталығы» КЕАҚ біріктіреді.

Анықтамалық: 2016–2021 жылдары UMC құрамына сондай-ақ Ұлттық онкология және трансплантология ғылыми орталығы және Ұлттық балалар реабилитациясы орталығы кірді (2019 және 2021 жылдары ҚР Денсаулық сақтау министрлігінің қарамағына берілді).

UMC құрылғанға дейін жоғарыда аталған медициналық ұйымдар алдыңғы қатарлы медициналық технологияларды және медициналық көмектің сапасы мен қауіпсіздігінің халықаралық танылған стандарттарын (Joint Commission International) енгізу, сондай-ақ инновацияларды ел өңірлеріне трансферттеу бойынша алдарына қойылған міндеттерді сәтті орындады.

    UMC акушерлік және гинекология, педиатрия, балалар хирургиясы, травматология, урология, эндокринология, пульмонология, гастроэнтерология, неврология, онкогематология, кардиология және кардиохирургияны қоса алғанда, кең ауқымды бағыттар бойынша медициналық көмек көрсетеді.

UMC сонымен қатар резиденттерді даярлау, қосымша және формальды білім беру бағдарламалары бойынша білім беру қызметін жүзеге асырады, сондай-ақ тиісті салаларда ғылыми-зерттеу жұмыстарын жүргізеді.

         UMC сапаны үнемі жетілдіру, жетекші әлемдік медициналық ұйымдарда медициналық персоналдың біліктілігін арттыру, пациентке бағдарланған медициналық көмек көрсету жүйесін енгізу әдістемелерін пайдалана отырып, Joint Commission International медициналық көмектің халықаралық сапа және қауіпсіздік стандарттарының талаптарын сақтауға ерекше назар аударады.

UMC – халықаралық стандарттары мен Питтсбург Университетінің Медицина мектебінің (UPSOM) және оның медициналық орталығының (UPMC) тәжірибесі негізінде құрылған Назарбаев Университетінің (NU Medicine) интеграцияланған академиялық денсаулық сақтау жүйесінің бөлігі. 

Осы бірлескен қызметті жүзеге асыру мақсатында UMC, Назарбаев Университетінің Медицина мектебі (НУММ) және Өмір ғылымдары орталығы (CLS) клиникалық, білім беру және ғылыми-зерттеу қызметтерін интеграциялауды дамыту бойынша ынтымақтастық Меморандумын жасасты. Сонымен қатар, UMC NU Medicine Leadership Council консультативтік органына кіреді.

 NU Medicine мақсаты – клиникалық, білім беру және ғылыми-зерттеу қызметтерін интеграциялау арқылы Қазақстандағы денсаулық сақтауды дамыту. Бұл интеграцияның үлкен артықшылықтары бар, ол UMC орталықтарында пациентке және оның отбасына бағдарланған инновациялық медициналық көмек көрсетуге және жалпы денсаулық сақтау стандарттарының деңгейін арттыруға ықпал етеді.

2024 жылдың қыркүйегінде UMC академиялық медициналық орталық ретінде JCI аккредитациясынан сәтті өтіп, JCI сертификатын алған әлемдегі 63-ші клиникаға айналды және сол арқылы Қазақстанды әлемнің 22 елінің тізіміне енгізді.  

«University Medical Center» корпоративтік қорының Академиялық Медициналық Орталық ретінде қалыптасуы туралы.

Стратегиялық мақсатқа сәйкес, Назарбаев Университеті UMC Назарбаев Университетінің (NU Medicine) интеграцияланған академиялық Денсаулық сақтау жүйесінің бөлігі болып табылады, оның мақсаты – клиникалық, білім беру және ғылыми-зерттеу қызметін интеграциялау арқылы Қазақстанның денсаулық сақтауын ілгерілету.

UMC стратегиялық жоспарларына сәйкес (2019-2023, 2024-2028 жж.), сондай-ақ стратегиялық серіктес the University of Pittsburgh Medical Center (UPMC) ұсынымдарын басшылыққа ала отырып, UMC Академиялық Медициналық Орталық (AMО) болып қалыптасу шаралары жалғасуда.

UMC пациент орталықтандырылған және отбасылық бағдарланған медициналық көмек көрсетуде артықшылықты қамтамасыз ету үшін интеграцияланған АМО моделін енгізу арқылы жоғары сапалы медициналық көмек көрсетуге ұмтылады.

АМО құру UMC-ді ғылыми-зерттеу, білім беру және клиникалық қызметтің синергиясын ескере отырып, пациентке бағытталған медициналық көмек көрсету жүйесін дамыту, озық білім мен тәжірибе орталығы болуды көздейді.

2021 жылдан бастап UMC-де құрылымдық интеграция жүргізілді: Ана мен бала орталығы мен Диагностикалық орталық біріктіріліп, UMC-нің бірыңғай клиникалық базасын біріктірілід (стационар және амбулатория). Қызметкерлер мен пациенттер үшін ыңғайлылықты қамтамасыз ету мақсатында орталықтар ғимараттары арасында аспалы өтпелі жол салынды. Сол жылы UMC-ге Ұлттық ғылыми кардиохирургия орталығы қосылды. 2024 жылдан бастап UMC басқаруына «Шымкент қаласының Жүрек орталығы» КЕАҚ да кірді.

2024 жылдың қыркүйегінде UMC академиялық медициналық орталық ретінде JCI аккредитациясынан сәтті өтіп, JCI сертификатын алған әлемдегі 63-ші клиникаға айналды және сол арқылы Қазақстанды әлемнің 22 елінің тізіміне енгізді.

UMC барлық клиникалық бөлімшелерінің қызметі бейіні бойынша стационарлық және амбулаториялық-емханалық көмекті біріктіретін Клиникалық академиялық департаменттің принциптеріне негізделген. Клиникалық академиялық департаменттер инновациялық клиникалық тапсырмаларды, білім беру бағдарламаларын және ғылыми зерттеулерді жүзеге асыра отырып, үштікке негізделген. UMC қызметкерлерінің қызметі бірыңғай клиникалық хаттамалар, СОП және операциялық ішкі нормативтік құжаттар бойынша жүзеге асырылады.

Интеграция процестерін жандандыру үшін UMC, Назарбаев Университеті және оның еншілес ұйымдары қызметкерлерінің (басқару деңгейінде де, клиникалық, білім беру, ғылыми қызметте де) “қоса атқару” (Dual appointment) тетігі де қолданылады.

Осылайша, акушерлік-гинекология, клиникалық зертханалық диагностика және патология, хирургия саласындағы жетекші лауазымдарға Назарбаев Университетінің Медицина мектебінің (бұдан әрі – НУММ) қауымдастырылған профессорлары мен нұсқаушылары тартылды.

UMC – де барлығы 12 клиникалық академиялық департамент (КАД) жұмыс істейді:

• Педиатрия КАД-ы;

директоры – Иванова-Разумова Татьяна Владимировна, медицина ғылымдарының кандидаты, MBA, “Балалар кардиологиясы” мамандығы бойынша жоғары санатты дәрігер, директордың ғылыми және білім беру қызметі жөніндегі орынбасары – Мукушева Зәуре Серікпайқызы, “Ревматология (балалар)” мамандығы бойынша жоғары санатты дәрігер ;

• Әйелдер денсаулығы КАДы;

директоры – Бапаева Гаури Биллахановна, медицина ғылымдарының докторы, “Акушерлік және гинекология” мамандығы бойынша жоғары санатты дәрігер (UMC маманы); директордың Terzic Milan ғылыми және білім беру қызметі жөніндегі орынбасары (НУММ қауымдастырылған профессоры);

• Зертханалық медицина, патология және генетика КАД-ы;

директоры – Ибраимов Бақытқали Әбдіғалиұлы, жоғары біліктілік санатындағы дәрігер

• Анестезиология және қарқынды терапия КАД-ы;

директоры – Мұстафинова Гүлнара Төлеуханқызы, “Анестезиология және реаниматология” мамандығы бойынша жоғары санатты дәрігер;

• Радиология және ядролық медицина КАД-ы;

         директоры – Даутов Таирхан Бекболатұлы, медицина ғылымдарының докторы, “Сәулелік диагностика” мамандығы бойынша жоғары санатты дәрігер; директордың ғылыми және білім беру қызметі жөніндегі орынбасары, Қожахметова Жанар Жаныбекқызы, медицина ғылымдарының кандидаты;

• Ішкі медицина КАД-ы;

директоры – Набиев Алтай Нұғманұлы, медицина ғылымдарының кандидаты, “Қоғамдық денсаулық сақтау” мамандығы бойынша жоғары біліктілік санатындағы дәрігер; директордың ғылыми және білім беру қызметі жөніндегі орынбасары – Ошақбаев Қуат Пернекұлы, медицина ғылымдарының докторы,”Терапия” мамандығы бойынша жоғары біліктілік санатындағы дәрігер;

• Балалар хирургиясының КАД-ы;

директор – Рүстемов Дастан Зейноллаұлы, “Балалар хирургиясы” мамандығы бойынша жоғары санатты дәрігер, директордың ғылыми және білім беру қызметі жөніндегі орынбасары – Біләл Руслан Армияұлы – медицина ғылымдарының кандидаты.

• Ересектер хирургиясы КАД-ы;

директоры – Биханов Нұржан Ақтлеуұлы, медицина ғылымдарының кандидаты, “Жалпы хирургия”мамандығы бойынша жоғары санатты дәрігер.

• Кардиология КАД-ы;

директоры – Мукаров Марат Аманжолұлы, медицина ғылымдарының кандидаты, “Кардиология”мамандығы бойынша жоғары санатты дәрігер.

• Кардиохирургия КАД-ы;

директоры – Лесбеков Тимур Досатайұлы, медицина ғылымдарының кандидаты, “Кардиохирургия”мамандығы бойынша жоғары санатты дәрігер.

• Кардиоанестезиология және қарқынды терапия КАД-ы;

директоры – Қуанышбек Айдын Саятұлы, “Анестезиология және реаниматология” мамандығы бойынша жоғары санатты дәрігер.

• Интервенциялық кардиология КАД-ы;

директоры – Арипов Марат Асанұлы, медицина ғылымдарының докторы, “Кардиология”мамандығы бойынша жоғары санатты дәрігер.

КАД-тың функционалдық бірлігі клиникалық қызметінің бағыттары бойынша құрылған бөлімшелері – “бағдарламалар” болып табылады. 

UMC қызметкерлері НУММ студенттерін, резидент дәрігерлерді клиникалық оқытуға және бірлескен клиникалық және ғылыми зерттеулерге тартылады.

UMC мейіргерлік қызметі орталықтандырылған. Дәрігерлер басқаратын бөлімшелерден мейіргер кадрлары UMC клиникалық базасын (стационар және амбулатория) басқаратын дербес қызметке бөлінген. Мейіргер мамандарының құзыреттілік деңгейі бойынша көп деңгейлі градациясы енгізілді. Мейіргер мамандарының өкілеттігі мен жауапкершілігі артып келеді. Ғылыми-зерттеу жобалары іске асырылуда, НУММ базасында UMC (Professional Development Program (PDP), жеделдетілген 2 жылдық “Қолданбалы мейіргерлік іс бакалавры”бағдарламасы). 

UMC Қазақстанның Ғылыми-білім беру әлеуетін дамытудағы бірегей алаң болып табылады.

UMC-де НУММ студенттері, НУММ бағдарламалары бойынша резиденттер (12 мамандық), сондай-ақ ұлттық резидентура бағдарламалары бойынша даярланады.

UMC-де барлығы 21 клиникалық мамандық бойынша 300-ге жуық резидент дәрігер оқиды.

UMC шетелдік мамандарды – “тәлімгерлерді” тартады және өз орталықтарының негізінде халықаралық шеберлік сыныптарын ұйымдастырады

Жыл сайын 2 мыңға жуық адам оқытылатын өңірлік медициналық ұйымдар мамандарының біліктілігін арттыру бағдарламалары іске асырылуда.

UMC ғылыми зерттеу қызметі.

 2019-2023 жылдары UMC орталықтарында ҚР ҒЖБМ БНҚ, CRP және басқа да көздерден гранттық қаржыландыру бойынша 33 ғылыми жоба мен клиникалық зерттеулер іске асырылды. 

2019-2023 жылдардағы NU/CLS зерттеу қызметіне қатысқан UMC клиникалық дәрігерлерінің үлесі орта есеппен 4,3% құрады.

UMC қызметкерлерінің жарияланымдық белсенділігі жыл сайын артып келеді – импакт факторы бар халықаралық рецензияланатын журналдарда 2019-2023 жылдары UMC 270 жарияланымы жарияланды; Scopus, Web of Science және Google Scholar дерекқорларында қызметкерлердің жарияланымдарына дәйексөздер саны 3,8 мыңнан асты; 40-қа жуық қорғау құжаттары алынды.

Ұлттық медициналық холдингтің құқықтық мұрагері бола отырып, UMC Қазақстанда жаңа медициналық технологияларды енгізуді және дамытуды жалғастыруда. Қазіргі уақытта UMC құрамына кіретін орталықтар 2010-2023 жылдар кезеңінде 247 технологияны енгізді, оның 90-ға жуығы өңірлерге “берілді”.

Назарбаев Университетінің – NU Medicine интеграцияланған академиялық денсаулық сақтау жүйесінің бөлігі ретінде UMC медициналық персоналдың бәсекеге қабілетті буынын қалыптастыруға, сирек, күрделі ауруларды диагностикалау мен емдеудің заманауи хаттамаларын әзірлеуге, сондай-ақ медициналық көмектің сапасын жақсартуға қатысады.

Жалпы, NU Medicine құруға бағытталған:

• сапа мен пациенттердің қауіпсіздігінің халықаралық стандарттарына негізделген тиімді клиникалық қызмет;
• прогрессивті білім беру технологияларын енгізу арқылы бәсекеге қабілетті кадрларды даярлау;
• денсаулық сақтаудағы ғылыми-зерттеу әлеуетін дамыту.