UMC-нің қосымша және бейресми білім деңгейіндегі білім беру қызметтері оның орталықтарында және басқа ұйымдарға барып өткізілетін мына кең ауқымды іс-шараларды қамтиды: сертификаттау курстары, біліктілікті арттыру циклдары, жұмыс орнындағы тағылымдамалар, мастер- кластар, семинарлар және тағы басқалар. Сабақтар (жеке және топпен бірге) бетпе- бет түрде өткізілуі мүмкін. Оқыту төмендегі орталықтардың клиникалық бөлімшелер базасында (стационар, амбулатория) жүргізіледі:

• • Ана мен бала орталығы;
  • Диагностикалық орталық;
  • Жүрек орталығы.

Оқыту денсаулық сақтау жүйесінің медициналық қызметкерлері үшін хирургиялық, акушерлік-гинекологиялық, онкологиялық, педиатриялық, терапевтік, кардиологиялық және кардиохирургиялық бейіндегі жоғары мамандандырылған медициналық көмектің әртүрлі түрлері бойынша ұйымдастырылған.

Дәріскерлер – жоғары білікті мамандар, медицина ғылымдарының докторлары мен кандидаттары, жұмыс және оқыту тәжірибесіне ие, әлемнің үздік орталықтары мен клиникаларында білім алған жоғары санаттағы дәрігерлер.

Денсаулық сақтау саласындағы мамандардың бейресми білімі тағылымдамалар, семинарлар, тренингтер, мастер- кластар және басқа да форматтарда өткізіледі. Тапсырыс берушінің қажеттілігін ескере отырып, талап етілген тақырыптар бойынша оқыту сұраныс негізінде және алдын ала келісім арқылы жүргізіледі.