Талдау нәтижелері Имплантацияланатын кардиовертер дефибрилляторлары (ИКД) ауыр тахикардия және жүрек ырғығының бұзылуы бар көптеген пациенттерді емдеуде таптырмас көмекші болды. Бұл құрылғылар жүректің тез жиырылуы немесе кенеттен тоқтауы жағдайында құтқару терапиясы болып табылады. Дәстүр бойынша, ИКД мойын сүйектерінің жанындағы сол жақ иық аймағына имплантацияланады. Рентгенография пайдаланып жүрекке тамыр арқылы, содан кейін қақпақша арқылы арнайы сымдар енгізіліп, жүректің ішкі қабырғасына бекітіледі.
Қауіпті жағдайды анықтай отырып, ИКД жүрекке электрлік импульс жіберіп, оның жиырылу ритағын қалыпқа келтіреді. Алайда, құрылғының дұрыс жұмыс істемеуі, инфекциялардың пайда болуы немесе қызмет ету мерзімінің аяқталуы сияқты жағдайларда оның алып тастауы жүргізіледі. Бұл процедура медициналық мамандардан үлкен тәжірибе мен дағдыларды қажет етеді.
Осылайша, UMC Жүрек Орталығында ауыр инфекциялық қауіптері және зақымдалған электродтары бар пациенттерде кардиовертер-дефибриллятор электродтарын трансвенозды экстракциялау бойынша шеберлік сабағы өтті. Тренингке Ресейден келген сарапшылар тобы, орталық тобы және аймақтық клиникалардың дәрігерлері қатысты. Аппаратты алып тастау бойынша бірлесіп 4 операция, электродтарды жою әдістері мен көрсеткіштері, пациенттер үшін процедуралардың қауіптері мен артықшылықтары бойынша дәрістер сериясы жүргізілді. Оқыту мамандарға тәжірибе алмасуға және аппаратты алу әдістерін жетілдіруге мүмкіндік берді.
Сондай-ақ, шеберлік сабақтың аясында Италиядан келген сарапшы қауіпсіз баламаны қамтамасыз ететін EMBLEM™ S-ICD System тері астындағы ИКД имплантациялау технологиясын ұсынды. Бұл құрылғы жүрекке электродты енгізуді қажет етпейді, бірақ терінің астына төс сүйегінің үстіне қойылады. Импульстік генератордың өзі кеуде қуысының сол жағына, қабырғалардың жанына орналастырылады. Осылайша, EMBLEM жүйесі жүрек пен қан тамырларына әсер етпейді. Бұл құрылғы әртүрлі жастағы пациенттерге қолайлы, ауыр асқынулардың қаупін азайтады және қажет болған жағдайда шығаруды жеңілдетеді және жылдамырақ етеді.
«Жаңа жүйені имплантациялау кезінде Serratus аймақтық анестезиясының әдістемесі қолданылғанын атап өту маңызды, бұл процедура кезінде пациент үшін ыңғайсыздықты азайтуға, сондай – ақ жалпы анестезияны қолдануды болдырмауға мүмкіндік береді, осылайша пациенттердің процедурадан кейін қалпына келуін жеделдетеді», – деп атап өтті UMC Жүрек Орталығының интервенциялық аритмология меңгерушісі Өмірбек Нұралинов.
Жаңа жүйе 3 пациентке сәтті имплантацияланды, олардың барлығы қанағаттанарлық. Процедуралар оқыту аясында өтті және UMC Жүрек Орталығының мамандары үшін пайдалы тәжірибе болды. Алынған білім одан әрі тәжірибеде медициналық қызметтердің сапасын, пациенттердің денсаулығын жақсарту және тәжірибені өңірлік әріптестермен алмасу үшін пайдаланылатын болады.
